«АШЫҚ ЭКОНОМИКА» ФОРУМЫНЫҢ СПИКЕРЛЕРІ
Сөз сөйлеу реті бойынша
Аида Айдарқұлова (Қазақстан)
Аида Айдарқұлова – халықаралық қоғамдық құқық мәселелерінде маманданған заң ғылымдарының кандидаты. Оның ғылыми қызығушылық саласына жалпы адам құқықтары мәселелері, атап айтқанда адамның репродуктивті құқықтары, сонымен қатар, әскери қақтығыстар құқығы жатады. Қазақстанның азаматтық секторында жалпы жұмыс өтілі 12 жылға тең. 2006-2009 жж Аида Астанадағы Құқықтық мониторинг, сараптау және талдау институтында ғылыми қызметкер болып жұмыс атқарды. Осы қызметте ол «Халықтың денсаулығы және денсаулық сақтау жүйесі», ҚР экология кодексіне, «Мемлекеттік жастар саясаты туралы», әкімшілік құқық бұзушылық туралы кодекс сынды бірқатар заң жобаларын ғылыми-құқықтық сараптамадан өткізу жұмыстарына қатысты. 2009 жылы Сорос-Қазақстан қорының «Құқықытық реформа» бағдарламасының директоры, 2012 жылы қордың Бағдарламалар директоры қызметіне тағайындалды. 2019 жылғы сәуірде СҚҚ Басқарма Төрайымы қызметіне тағайындалды.
Қасымхан Қаппаров (Қазақстан)
Қасымхан Қаппаров ғылыми-консалтингтік, талдау орталықтарында, мемлекеттік құрылымдар мен халықаралық компанияларда үлкен жұмыс тәжірибесі бар. Ол Қазақстандағы экономикалық пікірталастарға арналған Ekonomist.kz онлайн-алаңының негізін қалаушы және Economics and Management Consulting Group (EMCG) халықаралық ұйымдар үшін дамушы елдер бойынша тәуелсіз экономикалық зерттеулер ұсынатын консалтингтік компаниясының басқарушы серіктесі. Каппаров мырзаның зерттеу саласына ТШИ қоса алғанда, дамушы экономикаларды дамыту мәселелері, білімге негізделген экономика, инновациялар және минералдық ресурстарға негізделген экономикалық өсу кіреді. Соңғы зерттеулер келесі тақырыптарды қамтыды: «Қазақстанның Ұлттық қоры: ұзақ мерзімді ауырсыну үшін қысқа мерзімді пайда», «Қазақстандағы Жеке кәсіпкерлікті дамыту саясаты: Өлшем мәселелері» және «Көрінбейтін мемлекеттік қарыз: Қазақстанның үлгісі». Каппаров мырза ХВҚ стипендиялық бағдарламасы бойынша Йокогама ұлттық университетінде (Жапония) MBA дәрежесін алды және Қазақ ұлттық университетінде магистр және экономика бакалавры дәрежесіне ие болды.
Сергей Гуриев (Франция-Ресей)
Сергей Гуриев — экономикалық даму бойынша белгілі сарапшы, Париждегі Sciences PO университетінің экономика профессоры, Еуропа Қайта Құру және Даму банкінің бұрынғы бас экономисі (2016-2019) және Мәскеудегі жаңа экономикалық мектептің бұрынғы ректоры (2004 — 2013). Доктор Гуриевтің ғылыми қызығушылықтары келісім-шарттар теориясын, корпоративтік басқаруды, саяси экономиканы және жұмыс күшінің ұтқырлығын қамтиды. Оның «Economic Drivers of Populism», «Determinants of Expropriation in the Oil Sector: A Theory and Evidence from Panel Data» еңбектері American Economic Review, Review of Economic Studies, Journal of European Economic Association және т. б. халықаралық рецензияланатын журналдарда жарияланды.
Қайырбек Өскенбаев (Қазақстан)
Қайырбек Өскенбаев — Қазақстан Республикасы индустрия және инфрақұрылымды дамытудың бірінші вице-министрі. Экономика ғылымдарының кандидаты. Бұған дейін ол Қазақстан Республикасы Индустрия және сауда министрлігі Сауда және туризм қызметін реттеу комитетінің төрағасы (2004-2006), Қазақстан Республикасы Туризм және спорт министрлігі Туризм индустриясы комитетінің төрағасы (2006-2007), Қазақстан Республикасы Туризм және спорт вице-министрі (2007-2011) болған. 2013-2014 жылдар аралығында Қазақстан Республикасы Өңірлік даму министрінің бірінші орынбасары қызметті атқарған. Қазақстан Республикасы Ұлттық экономика министрінің орынбасары (2014-2016) және Қазақстан Республикасының инвестициялар және даму вице-министрі (01.2018-03.2019) болды.
Свен-Олов Карлссон (Швеция)
Елші Свен-Олов Карлссон – жоғары білікті швед дипломаты, Еуропалық Одақ мекемелерінде қомақты тәжірибе жинақтаған. Өзінің кәсіби мансабы барысында Карлссон мырза Швеция Сыртқы істер министрлігінде (1992-1996 жж.), Еуропалық Комиссияның Швециядағы Өкілдігі Басшысының орынбасары (1996-1998 жж.), Еуропалық Комиссияның мекемелеріндегі бірнеше басқарушы лауазымдарында, және Еуропалық сыртқы істер кызметінің Ресей жөніндегі басқарма Басшысының орынбасары (2009-2013) қызметтерін атқарды. Қазақстанға келуден бұрын 2013-2018 жж. аралығында Ресейдегі ЕО Өкілдігі Басшысының орынбасары қызметін атқарды. Елші Карлссон Уппсала Университетінің (Швеция) славянтану және бизнестік басқару мамандықтары бойынша бакалавр дәрежесін иеленуде.
Александр Погосян (Армения)
Александр Погосян — халықаралық ұйымдар үшін (Дүниежүзілік банк, ЭЫДҰ, KfW, Еуропалық комиссия, ХЕҰ, ХАШДҚ және т. б.), сондай-ақ Microsoft, Orange (France Telecom), National Instruments, Synopsys, Philip Morris, MTS, Pernod Ricard) сияқты корпоративтік клиенттер үшін іске асырылатын даму саласындағы консалтинг саласында 20 жылдан астам жұмыс тәжірибесі бар білікті экономист. Бұған дейін тиісті салаларда бағдарламалардың, стратегияны әзірлеу және жобаларды бағалау менеджері ретінде жұмыс істеді. Оның мамандануы-жеке сектор мен ШОК секторын дамыту, бәсекеге қабілеттілік, салалық және секторалдық талдау, өңірлік экономикалық және басқа да даму мәселелерін қамтиды.
Жанар Темірбекова (Қазақстан)
Жанар Темірбекова, Еуразия технологиялық университетінің ректоры. 2007-жылдан бастап International Leadership Association ILA (США) ұйымының мүшесі. 2013-жылы «Жоғары оқу орнының ең үздік оқытушысы» грантының иегері болды. 2014 жылдан бастап «African Journalоf Business and Management» және «Gaziantep University Journal of Social Sciences» халықаралық академиялық журналдарында рефери міндетін атқаруда. Қазақстандықтардың трансформациялық көшбасшылық қабілеті мен экономикалық әлеулетін зерттеуге арналған ғылыми еңбектері үшін Қазақстан Республикасы Тұңғыш Президенті – Елбасы қорының Ғылым және техника саласындағы сыйлығымен марапатталды. Ғылыми-педагогикалық еңбек жолын С.Демирел атындағы университетте бастап, 2013-2016 жылдар аралығында бұл университеттің «Менеджмент және маркетинг» кафедрасын басқарды.
Тур-Од Лхагваджав (Моңғолия)
Тур-Од Лхагваджав Transparency International-Моңғолия тең құрылтайшысы және президенті, Open Government Partnership ұлттық мақсатты тобының және EITI (Өндіруші салалардың ашықтығы бастамасы) бойынша Ұлттық кеңестің мүшесі болып табылады. Лхагваджав мырза сондай-ақ 30 моңғол ҮЕҰ-ның Publish What You Pay/PWYP-коалициясын жариялау жөніндегі үйлестіру кеңесінің сайланған мүшесі болып табылады. 2013 жылдан бастап ол Оңтүстік және Шығыс Азия елдері үшін LOGIN жергілікті өзін-өзі басқару мәселелері жөніндегі бастамасының бірінші елдік үйлестірушісі, сондай-ақ Mongolian Foundation for Democracy төрағасы-құрылтайшысы және Mongolia Democracy Foundation & Network қорының бірінші ұйымдастырушысы / Бас хатшысы болып табылады. Моңғолия президенті оны сыбайлас жемқорлыққа қарсы күрес жөніндегі тәуелсіз орган жанындағы Қоғамдық бақылау кеңесінің мүшесі және төрағасы етіп тағайындады (2014-2018 жылдар). Бұған дейін Тур-Од Монғолия Президентінің Заң көмекшісі және 2012-2014 жылдары Әділет министрінің арнайы кеңесшісі болды. Тур-Од Лондон университетінің Құқық және даму магистрі (2006) және Моңғолия Ұлттық Университетінің заң ғылымдарының кандидаты (1997) дәрежесіне ие болды.
Уильям Зейтц (Дүниежүзілік Банк)
Уильям Зейтц, Алматыда орналасқан Дүниежүзілік Банктің әлемдік тәжірибесінің кедейлік және әділдік саласындағы экономисі. Ол Орталық Азиядағы Дүниежүзілік Банктің кедейшілік және әділдік бағдарламасы жөніндегі топтың жетекшісі болып табылады. Оның құзыреті саласына кедейлікті өлшеу, кеңістіктік талдау, еңбек нарығын талдау және зерттеу әдістері кіреді. Уильям Дүниежүзілік банкке келгенге дейін Оксфорд университетінің Африка экономикаларын зерттеу орталығында ғылыми қызметкер болып жұмыс істеді. Уильям Денвер университетінде (University of Denver) іскерлік әкімшілік магистр дәрежесін және Милан университетінде экономика ғылымдарының докторы дәрежесін алды.
Жақсыбек Күлекеев (Қазақстан)
Жақсыбек Күлекеев — «Қолданбалы экономика саласындағы зерттеулер орталығы» жетекшісі және экономика ғылымдарының кандидаты. Оның мемлекеттік қызметте 20 жылдан астам тәжірибесі бар.
1997-1999 жылдарда Күлекеев мырза Қазақстан Республикасы Статистика агенттігін басқарды, 2000 — 2002 жылдардағы Қазақстан Республикасының Экономика және Сауда министрі болды. Сонымен бірге Республикалық бюджеттің атқарылуын бақылау жөніндегі есеп комитетінің төрағасы, ҚР Білім және ғылым министрі, ҚР Президентінің жанындағы Мемлекеттік басқару академиясының ректоры, «ҚазМұнайГаз» ҰК АҚ бірінші вице-президенті болды. 2007 — 2008 ж. «ҚазақстанТемір Жолы» ҰК АҚ президенті болды. «Тәуелсіздік жылдарындағы Қазақстанның экономикалық панорамасы» (2003 ж.), «Қазақстан Республикасының мемлекеттік бюджетін нарықтық қатынастардың даму жағдайында пайдаланудың тиімділігі мәселелері» (2003 ж.), «Экономикалық өсу және мемлекеттік шығындар» (2004 ж.) атты кітаптардың тең авторы. Оның экономика, статистика, білім және мемлекеттік басқару бойынша 80-нен астам ғылыми жарияланымдары бар.
Ирина Смирнова (Қазақстан)
Қазақстан Коммунистік Халық партиясынан Қазақстан Республикасы Парламенті Мәжілісінің депутаты, Қазақстан Коммунистік Халық партиясынан VI шақырылымдағы Парламент Мәжілісінің депутаты, 2016 ж. бастап Қазақстан Республикасы Парламенті Мәжілісінің Қаржы және бюджет комитетінің мүшесі. Бұрын Ирина Смирнова келесі білім беру лауазымдарын атқарған: Алматы қаласы, № 91 орта мектеп директорының тәрбие ісі жөніндегі орынбасары, Алматы қ (1993), №68 орта мектебінің директоры (1996-2006), № 48 мектеп-лицейінің директоры, Алматы қ.(2011-2016).
Әлтаев Нұржан (Қазақстан)
Әлтаев Нұржан — Қазақстан Республикасы Парламенті Мәжілісінің депутаты. Іскери әкімшілік ғылымдарының кандидаты. Әлтаев Нұржан бұған дейін келесі қызметтерді атқарды: Оңтүстік Қазақстан облысы Кәсіпкерлер палатасының директоры (2013-03.2014), АҚ «ҚазАгро» ұлттық басқарушы холдингі» тәуелсіз директоры (2016), «Атамекен» Ұлттық кәсіпкерлер палатасы басқарма төрағасының орынбасары (03.2014-11.2017), Қазақстан Республикасы Ауыл шаруашылығы вице-министрі (11.2017-01.2018); Қазақстан Республикасы Еңбек және халықты әлеуметтік қорғау вице-министрі (02.13. 2018-02.2019).
Сергей Домнин (Қазақстан)
Сергей Домнин, экономикалық шолушы, Ekonomist.kz. жобасының редакторы. 2015-2019 жж. «Эксперт Қазақстан» іскерлік журналының бас редакторы. Келесі тақырыптарда маманданған: өнеркәсіптік саясат, негізгі капиталға инвестициялар, Халықаралық экономикалық интеграция. Сергей Әл-Фараби атындағы Қазақ Үлттық Университеті (тарих магистрі), «Синергия» университеті (MBA) бітірді.
Дария Михайлишина (Украина)
Дария Михайлишина — Экономикалық стратегия орталығының экономисті (Украина). Ол адами капитал саласындағы еңбек мобильділігі, адами капиталды дамыту зерттеулерге жауапты. 2016-17 жылдары Warwick университетінің экономика кафедрасында ғылыми қызметкер болып жұмыс істеді (Англия). 2016ж. Экономикалық мәселелер институтының аналитикалық орталығында (Лондон), ал 2017 ж. VoxUkraine-да тағылымдамадан өтті. Білімі: University College London университеті (экономика магистрі) және Warwick университеті (философия, саясат және экономика бакалавр дәрежесі).
Серік Бейсембаев (Қазақстан)
Серік Бейсембаев социолог, ҚР Тұңғыш Президенті Қоры жанындағы Әлемдік экономика және саясат институтының сарапшысы. Әлеуметтік саясат, зорлық экстремизмге қарсы іс-қимыл саласында саяси-басқарушылық зерттеулермен айналысады. 2015-2016 жылы Джордж Вашингтон университетінде Орталық Азия бағдарламасы бойынша тағылымдамадан өтті. Сорос-Қазақстан Қорының «Қоғамдық саясат» бастамасының түлегі болып табылады. Нұр — Cұлтан қаласында «PaperLab» сараптамалық пікірталас алаңының тең негізін қалаушы.
Жаслан Нұрбаев (Қазақстан)
Жаслан Нұрбаев, тарих ғылымдарының кандидаты, зерттеуші. Оның негізгі еңбек қызметі А. Байтұрсынов атындағы Қостанай мемлекеттік университеті, «М. Нәрікбаев атындағы КАЗГЮУ Университеті» АҚ, Л. Н. Гумилев атындағы Еуразия ұлттық университеті сияқты жоғары оқу орындарында дәріс берумен байланысты. 2014-2015 жылдары Джордж Вашингтон университетінде «Халықаралық қатынастар және жаһандық дамудың саяси мәселелері» мамандығы бойынша «Болашақ» стипендиялық бағдарламасы арқылы тағылымдамадан өтті. 2015-2019 жылдары Жаслан мырза «IQ-Ресей және Қазақстан клубы: ЕАЭО шекаралас өңірлерінің сараптамалық диалогын дамыту» жобасын жүзеге асыру шеңберінде, Еуразиялық мектептерде (Горчаков қоры, «Еуразия-Поволжье», «Урал-Евразия»ИАО) сараптамалық отырыстарға қатысты. Нұрбаев Ж. Сорос Қазақстан Қорының «Қоғамдық саясат» бастамасының түлегі болып табылады. Бастама аясындағы зерттеу тақырыбы Қазақстанның шағын жинақты мектептерін зерттеуге бағытталған. 2019 ЕҚЫҰ Академиясымен бірлесіп, IWPR жүзеге асырған Cabar.Asia Орталық Азия аналитиктер мектебіне қатысты. Ғылыми қызығушылығы: Қазақстандағы діндердің таралу тарихы, конфессиялық өзара қарым-қатынас, ҚР әлеуметтік саясаты, шағын жинақты мектептер, білім саласындағы реформалар, цифрландыру, есте сақтау саясаты және есте сақтау практикасы.
Виктория Цай (Қазақстан)
Виктория Цай, Нархоз ректорының кеңесшісі-Қазақстанның ең ірі экономикалық университеті. Ол Маастрихт менеджмент мектебінде іскерлік басқару магистрі және Кеннеди Гарвард мектебінде мемлекеттік басқару магистрі дәрежесіне ие. Өзінің кәсіби мансабының 25 жылдан астам уақыт ішінде ол халықаралық және жергілікті мемлекеттік және жеке компанияларда жұмыс істеді.
Giorgi Khishtovani (Грузия)
Giorgi Khishtovani — ғылыми-зерттеу орталығындағы PMCG және PMC консалтингтік орталықтың ғылыми жетекшісі. Оның зерттеу саяси экономика мен басқару, фискалдық саясат, адами капиталды дамыту, халықаралық тауарлар және әлемдік қаржы мәселелеріне арналған. Оның Грузияның мемлекеттік, жеке және үкіметтік емес секторында 10 жылдан астам кәсіби мансабы бар. Khishtovani мырза ғылыми журналдарда көптеген мақалалар жариялады. PMCG және PMC келгенге дейін Георгий Тбилиси мемлекеттік университетінде іскерлік әкімшілендіру және экономика кафедрасының доценті (2009-2011), Бремен университетінде (2011-2014) және Еркін Ақпараттық Технологиялар Институтында (IDFI) ғылыми қызметкер (2015-2017) ретінде жұмыс істеді. Giorgi сапалы зерттеулер саласында үлкен тәжірибеге ие болып, Дүниежүзілік банк, ХҚК, Еуропалық Одақ, БҰҰДБ, GIZ және Германиядағы Федералды сыртқы істер министрлігіндегі түрлі халықаралық жобаларда тренер және кеңесші ретінде жұмыс істейді. «Грузиядағы трансформациялық құрылымдардың өзгеруі, 2003-2012 жж.» кітабының авторы және «Грузиядағы мемлекеттік қызметтің мемлекеттік нұсқаулығы» (мақалада жарияланған) тең авторы.
Александр Чубрик (Беларусь)
Александр Чубрик — экономист, Жекешелендіру және Менеджмент институтының зерттеу орталығының директоры. 2000-2004 жылдары Белоруссия мемлекеттік университетінде, 2009 жылы Еуропалық гуманитарлық университетінде экономикалық пәндер бойынша сабақ берді. 2007 жылдан 2012 жылға дейін CASE-Belarus (Польша) директорының орынбасары, 2009 жылдан бастап CASE – әлеуметтік – экономикалық зерттеулер орталығы қорының жетекші ғылыми қызметкері (Польша) болған. 2009 жылдың желтоқсанынан 2010 жылдың қаңтарына дейін CASE қоры іске асыратын «Advisory Service for Macroeconomic Management and Institutional Reform» жобасы шеңберінде Әзірбайжан Экономикалық даму министрлігіндегі экономикалық кеңесші, 2011 ж. ақпанынан 2012 ж. қаңтарына дейін — осы жобаның жетекшісі. 2014 жылдан бастап — Беларусь Республикасының Ұлттық Банкі жанындағы Консультативтік кеңестің мүшесі. 2016 жылғы қарашадан бастап — алтыншы сайланған Беларусь Республикасы Ұлттық Жиналысы Республика Кеңесі Төралқасының жанындағы әлеуметтік-экономикалық даму мәселелері жөніндегі ғылыми-консультативтік кеңестің мүшесі. Кәсіби мүдделер саласы: экономикалық өсу, кедейлік және әлеуметтік интеграция, еңбек нарығы, макроэкономикалық модельдеу, қолданбалы экономика, өтпелі экономикасы бар елдердің дамуы.
Нариман Мұқышев (Қазақстан)
Нариман Мұқышев, Қазақстан Республикасының Еңбек және халықты әлеуметтік қорғау вице-министрі. Нариман Мукушев банктік және АТ саласында 10 жылдан астам жұмыс тәжірибесі бар. 8 жылдан астам «Казкоммерцбанк» АҚ-да, оның ішінде басшылық лауазымдарда жұмыс істеді. Инновациялық технологиялар департаментін басқарды, GoCard несиелік карталарын, Workflow бизнес-үдерістер жүйесін, клиенттерді сәйкестендіру жүйесін, клиенттің электрондық досьесін және басқа да жобаларды әзірлеуге және енгізуге жетекшілік етті. 2014 жылдан бастап 2017 жылға дейін «Қазпошта»АҚ инновация мен АТ дамыту бағытын басқарды. 2017 жылдан бастап 2018 жылға дейін «Қазпошта»АҚ Трансформация және ақпараттық технологиялар жөніндегі басқарушы директор қызметін атқарды.
Вениамин Алаев (Қазақстан)
Вениамин Алаев, мүгедектігі бар адамдардың құқық қорғаушысы, құқық қорғаушылар ұрпағының коалициясының мүшесі, «Қаржылық инклюзия» жобасының бастамашысы, қаржылық қызметтердің қолжетімділігі бойынша ҚР Ұлттық Банкі жанындағы жұмыс тобының мүшесі. 2016 жылдың шілде айында елде кемсітпеушілік туралы Заңды құру қажеттілігі бойынша High level political forum-де сөз сөйледі, бұл бұрын жабық психоневрологиялық мекемелерге келген адамдарды әлеуметтендіру жөніндегі жеке бағдарлама.
Айжан Әлжанова (Қазақстан)
Айжан Әлжанова — «Mama Pro» әлеуметтік осал әйелдерді қолдау қорының негізін қалаушы және жобалық үйлестірушісі, зерттеуші. Бұған дейін ҚазМұнайГаз-Сервис сатып алу бөлімінде менеджер, Lehigh University, PA бітірушілерге арналған журнал редакторы болып жұмыс істеді, әлеуметтік тақырыптар бойынша республикалық конференцияларда спикер ретінде сөз сөйледі. Қазақстанның атынан 2019 жылы Нью-Йорктегі Біріккен Ұлттар Ұйымының штаб-пәтерінде Әйелдер жағдайы жөніндегі комиссияның 63-ші сессиясына қатысушы. Айжан Назарбаев Университетінің жоғары білім беру мектебі саласындағы магистр дәрежесіне ие, сондай-ақ АҚШ-та Lehigh университетінде кәсіпкерлік негіздері және медиа сауаттылық бойынша курстардан өтті. Айжан АҚШ Мемлекеттік департаментінің бағдарламасының түлегі.
Ирина Курбанова (Қазақстан)
Ирина Курбанова, «Қоғамдық саясат» бастамасының үйлестірушісі.Ирина отандық журналистика саласында және халықаралық бизнес-құрылымдарда жұмыс істеді. Ол 2012 жылы Қазақ-неміс университетінің «Аймақтану: Орталық Азия» мамандығы бойынша магистр дәрежесін алды. «Қоғамдық саясат» бастамасы аясындағы жас зерттеушілерге арналған жобасының түлегі.
