Дөңгелек үстел Қазақстан жəне Орталық Азиядағы пандемияның əсерінің гендерлік мəселелерін талқылау жəне бар проблемаларға əсерлі жəне тиімді шешімдер табу үшін өткізіледі; COVID-19 пандемиясының əйелдер мен ерлерге арналған ақылы жəне ақысыз еңбекке теріс əлеуметтік-экономикалық əсерін жою бойынша тиімді саясатты ілгерілету үшін үкімет, ғылыми орта, халықаралық жəне азаматтық қоғам ұйымдарының ынтымақтастығына ықпал ету.

Дөңгелек үстелде сөз сөйлейтіндер:

• Қазақстан Республикасы Нархоз Университеті КЕАҚ Президенті – Басқарма төрағасы – Мирас Дауленов,
• Сорос-Қазақстан қорының басқарма төрайымы – Аида Айдаркулова;
• Қазақстан Республикасы Парламенті Мəжілісінің депутаты, ҚР Президенті жанындағы Əйелдер істері жəне отбасылық-демографиялық саясат жөніндегі ұлттық комиссияның төрайымы – Ляззат Рамазанова;
• Қазақстан Республикасы Парламенті Мəжілісінің депутаты – Смирнова Ирина;
• GERC халықаралық сарапшысы, экономика саласындағы гендерлік талдау бағдарламасының директоры, Америка Университеті, Вашингтон, КО, АҚШ – профессор Мика Меурс;
• БҰҰ Əйелдер Қазақстан бағдарламалары бойынша маман – Дина Амришева;
• ЕҚҚДБ Қазақстандағы “Шағын бизнеске арналған консультациялар” бағдарламасының менеджері – Алма Касымова;
• Гендерлік экономиканы зерттеу орталығының директоры – Майгүл Нұғманова.

Дискуссияны Ekonomist.kz сараптамалық талқылауға арналған онлайн платформасының негізін қалаушы Қасымхан Қаппаров жүргізеді.

Дөңгелек үстел аясында Орталық стипендиаттарының «Қазақстандағы əйелдер мен ерлердің ақылы жəне ақысыз жұмысына пандемияның əсері», «Бейресми салада жұмыспен қамтылған əйелдерге пандемияның əсері», «Пандемия кезіндегі докторант-аналардың мəселелері: Қазақстан мен Өзбекстан жағдайы» мəселелері бойынша зерттеулер қорытындылары талқыланады.

Халықаралық сарапшылар, мемлекеттік органдар, халықаралық жəне қоғамдық ұйымдар, ғылыми жəне академиялық қоғамдастық мүшелері сілтемесі бойынша дөңгелек үстелге тіркелуге шақырылады.

Іс-шара Сорос – Қазақстан қорының қолдауымен өткізіледі. Шараның серіктесі – Қазақстан Республикасы Президенті жанындағы Əйелдер істері жəне отбасылық-демографиялық саясат жөніндегі ұлттық комиссия. Шараның ақпараттық серіктесі – Ekonomist.kz.

Нархоз университеті жанындағы Гендерлік экономиканы зерттеу орталығы (GERC) 2018 жылдың көктемінде Сорос – Қазақстан қорының қаржылық жəне сараптамалық қолдауымен құрылды. GERC гендерлік экономика саласында зерттеу жүргізеді жəне сарапшыларды дайындайды, сонымен қатар гендерлік білімді насихаттайды жəне гендерлік экономика бойынша білім беру курсын дамытады.

The post Ақылы жəне ақысыз жұмысқа және күтім жасау жұмысына пандемияның гендерлі-дифференциалды əсері appeared first on Ekonomist Media.

Сапалы білімге қол жеткізу теңсіздігі индексін (Index of Disparity in Access to Quality Secondary Education IDAQSE) арнайы Орталық Азия елдері үшін PaperLab ҚҚ басшылығымен зерттеушілердің трансшекара командасы әзірлеген. Оның негізінде мемлекеттер тікелей әсер ете алатын бірқатар ресми өлшенетін көрсеткіш бар. Қазақстанға арналған көрсеткіштер үш топқа бөлінген, олар: “оқыту жағдайы”, “білім беру акторлары”, “АКТ-ға қол жеткізу”.

«Оқыту жағдайы» критериіне үш көрсеткіш кіреді: үш ауысымда білім беретін мектептер үлесі; апатты жағдайдағы мектептер үлесі; дәретханасы сыртта орналасқан мектептер үлесі. Тізімдегі көрсеткіштер бойынша ең нашар жағдай Алматы облысында. Ал Павлодар облысында, керсінше сапалы білім алу үшін ең жақсы жағдай жасалған.

«Білім беру акторлары» критериіне төрт көрсеткіш кіреді: жоғары білімі бар мұғалімдер үлесі; жоғары білімі бір мұғалімге шаққандағы оқушылар саны; мұғалімнің орташа жалақысының аймақтағы орташа жалақыға қатынасы; оқуын жалғастырған 11-класс түлектері үлесі. Бұл көрсеткіш тобындағы басты аутсайдер астана, көшбасшы Түркістан облысы болды.

“АКТ-ға қол жеткізу” критериі төрт көрсеткіштен тұрады: интернетке кіре алатын мектептер үлесі; бір мектеп компьютеріне келетін оқушылар саны; интернет қызметі бағасы мен аймақтағы орташа жалақының арақатынасы; ең арзан ноутбуктың аймақтағы орташа жалақыға қатынасы. АКТ-ға қол жеткізудің ең жоғары көрсеткішін Атырау облысы көрсетті, ал ең азын Шымкент көрсетті.

Көрсеткіш Сорос-Қазақстан қоры қолдауымен жүзеге асырылып жатқан «Орталық Азия елдеріндегі білім беру теңсіздігінің жаңа қырлары: проблеманы өлшеуден саясаттың өзгеруіне дейін» жобасы аясында жасалған. Зерттеу жұмысы мазмұны авторлар көзқарасын көрсетеді және қор көзқарасымен сәйкес келуі міндетті емес. Жобаның медиа серіктесі – MediaNet халықаралық журналистика орталығы.

Толығырақ ақпаратты Снежана Цойдан алуға болады: +77078108464, snezhana.tsoy@medianet.kz  

Қосымша

Барлық позиция бойынша ең жоғары ұпай – 100 ұпай

The post Қазақстан аймақтарының сапалы білімге қол жеткізу деңгейі бойынша рейтинг appeared first on Ekonomist Media.

Эфирге қосылып, спикерлерге өзіңізді қызықтыратын сұрақтар қоюға шақырамыз.

Күні/уақыты: 2021 жылдың 29 наурызы, басталуы 17:00-де (Алматы уақытымен).

Тікелей эфир сілтемелері:

http://https://youtu.be/q8ZgAKDuxU8 – орыс тілі

https://youtu.be/weAg8SV8y54 – ағылшын тілі

The post Нобель сыйлығының лауреатымен тікелей эфир appeared first on Ekonomist Media.

Тіркелген қатысушылар Нобель сыйлығының лауреаттарының, технологиялық корпорациялар басшыларының мен әлемге әйгілі ғалымдардың қатысуымен өтетін интерактивті пікірталастарға, дәрістерге, семинарларға шектеусіз қол жеткізе алады. Физика бойынша Нобель сыйлығының екі лауреаты, Такааки Кадзита және Джон Мазер, химия бойынша Нобель сыйлығының лауреаты Жан-Мари Лен және экономика ғылымдары бойынша Нобель сыйлығының лауреаты Майкл Спенс өздерінің осы іс-шарада  қатысатындықтарын растады.

Тіркелу ақысыз және іс-шараның ресми сайтында қол жетімді; орындар саны шектеулі, сондықтан ерте тіркелу жөн.

Болашақ туралы ойлана отырып, технологиялар өмірдің барлық салаларын өзгертетіні анық. 5G және AI сияқты технологиялардағы жетістіктер күнделікті өмірге қалай әсер етеді? Білім берудің болашағы қандай? Пандемиядан кейінгі әлемде қандай дағдыларға сұраныс көп болады? Технологиялар теңсіздік алшақтығын жоя ала ма? Осы және басқа да қызықтыратын сұрақтарды II Нобель фестивалінде келесі сала мамандары мен қатысуын растаған профессорлар талқылайды:

Экономика саласында:

• Майкл Спенс, Экономикалық ғылымдар бойынша 2001 жылғы Нобель сыйлығының иегері
• Хавьер Сала-и-Мартин, экономист, Колумбия университетінің профессоры

Білім беру саласында:

• Дженни Магиера, Google-дағы білім беру саласындағы әлемдік жетекші
• Кристофер Деде, Гарвард Жоғары білім беру мектебінің профессоры
• Андреас Шляйхер, Білім және дағдылар жөніндегі директор, Экономикалық ынтымақтастық және даму ұйымы (OECD), PISA тең құрылтайшысы

Технология және инновация саласында

• Кевин Уорвик, әлемге әйгілі кибернетика ғалымы, Рединг университетінің қонақ профессоры
• Майкл Бронштейн, Twitter-дегі графикалық машиналарды оқыту бөлімінің бастығы және Лондондағы Империал Колледжінің профессоры
• Шерил Коннелли, Ford Motor Company, әлемдік тредтер мен нарық болашағы бойынша менеджері
• Гидеон Личфилд, MIT Technology Review бас редакторы

Central Asia Nobel Fest ресми серіктестері: Шеврон корпорациясы, М.Әуезов атындағы Оңтүстік Қазақстан университеті, Астана медициналық университеті, BTS Education және BTS Digital, AIFC біліктілікті арттыру бойынша бюросы және «Редбрик» заң фирмасы. Бұл шара Қазақстан Республикасы Білім және ғылым министрлігі мен «Ғылым қоры» АҚ қолдауымен өткізіледі.

Фестивальдің бас медиа серіктестері – The Steppe, Forbes Kazakhstan, Ekonomist.kz және «Хабар агенттігі» АҚ.

Жаңалықтар үшін II Nobel Fest-тің Instagram-дағы ресми парағын бақылаңыз.

The post Екінші Нобель фестиваліне тіркелу ашылды appeared first on Ekonomist Media.

Ресми дерек бойынша, 2019 жылы Қазақстан мектептеріндегіі 1 компьютерге 11 оқушыдан келеді екен. Ал жоғарғы жылдамдықтағы интернет болса тек 47% отбасында ғана бар.

Мұғалімдер мен оқушылардың цифрлы сауатының төмендігі мен тиімсіз оқу жүйесі елдегі білім берудегі теңсіздікті одан ары үдетті. Дүниежүзілік банк бағалауы бойынша, қауіпті жағдайларда аз қамтылған, алыс аудандардағы, ерекше күтімді қажет ететін топтар қалды. Оның себебі айтпаса да белгілі.

Қазақстандағы және аймақтағы білім беру мен теңсіздік жайлы айтқанда сарапшылардың жағдайды сараптау және ынтамақтастық негізіндегі пікірлері толыққанды қамтылмайды. PaperLab Қоғамдық қорының зерттеушілер командасы Қазақстан, Қырғызстан, Өзбекстан мен Тәжікстан үкіметтерінің қабылдап жатқан шараларының тиімділігі мен рөлін бағалау бойынша трансшекаралық жобаны бастады.

Әр елдегі сарапшылар постпандемия өтпелі кезеңіндегі мықты және әлсіз тұстарды анықтай отырып, аймақтағы экономикалық теңсіздік пен білім берудегі қолжетімділіктің байланысы жөніндегі пікірталасты арттырады деп күтілуде.

Жоба аясында Білім берудегі теңсіздік индексі әдіснамасын жасау жоспарлануда. Ол аймақ елдерін бір-бірімен салыстыруды ғана емес, артта қалған салаларды анық көруге мүмкіндік береді. Сонымен қатар, шешім қабылдайтын тұлғалардың назарын аталмыш проблемаға аудартуға тырысады.

«Орта Азия елдеріндегі білім теңсіздігінің жаңа қырлары: мәселені зерттеу және білім саясатын өзгерту» жобасы Сорос-Қазақстан Қорының қолдауымен жүзеге асырылады. Зерттеудің мазмұны авторлардың көзқарасын білдіреді және Қор көзқарасымен сәйкес келмеуі мүмкін. Жобаның медиасеріктесі – MediaNet Халықаралық журналистика орталығы.

Толық ақпаратты алу үшін байланыс деректері:

Снежана Цой: +77078108464, snezhana.tsoy@medianet.kz

The post Білім берудегі теңсіздік: Қазақстандағы отбасылардың тек жартысы ғана жоғарғы жылдамдықты интернетке қол жеткізген appeared first on Ekonomist Media.

«Ашық экономика» форумының биылғы арнайы қонағы – экономика ғылымдарының докторы, SciencesPo университетінің профессоры, Ресей экономика мектебінің бұрынғы ректоры, Еуропа қайта құру және даму банкінің бұрынғы бас экономисті Сергей Гуриев. Сарапшы транзиттік, дамушы және шикізатты елдердегі тұрақты және инклюзивті экономикалық өсімді қамтамасыз етудегі институционалды дамудың рөлі туралы дәрісін оқиды, сонымен қатар, форумның панелді сессиясына қатысады.

OEF-2019 жұмысына жоспарлы экономикадан нарықтық экономикаға өту тәжірибесі бар 7 елдің, яғни, Армения, Беларусь, Грузия, Қазақстан, Қырғызстан, Моңғолия, Украина экономика саласы бойынша сарапшылары қатысады. Аталмыш мемлекеттердің барлығы үшін ілгерідегі экономикалық дамуды қолдау мақсатында институттарды құру өзекті міндет болып табылады.

OEF-2019 спикерлері – халықаралық және отандық сарапшылар – Қазақстандағы институционалды реформалар мен тұрақты экономикалық дамудың өзара байланысын қарастырып, Қазақстандағы экономикалық және саяси бәсекелестік маңызын талқылайтын болады. Олар «ауқатты және бақытты болу үшін әр қазақстандық азаматқа қанша қаражат керек» деген көкейтесті сұраққа нақты жауап береді және Қазақстаннан өзге елдерге ой жылыстауын тоқтату мәселесі бойынша өз болжамдарын ұсынады.

«Қазіргі таңда мемлекет ұшыққан экономикалық және әлеуметтік сын-тегеуріндерге орай әрекет етуге мәжбүр және әрекет етіп те жатыр. Бір жағынан, бұл үдерісте популисттік ауан мен сараптаманың жеткіліксіздігі анық байқалып тұр. Екінші жағынан, құқық үстемдігінің іргелі ұстанымдары, әлеуметтік әділеттілік, ақпарат қолжетімділігі, басқаруға қатысу болмай және табанды азаматтық қоғам институттарын дамытпай, тиімді мемлекеттік басқаруға қол жеткізу мүмкін еместігіне тағы бір мәрте көз жекіздік. Осы мәселеге орай, таразыланған және жан-жақты сарапшылық талқылауларға негізделген халықтың әлеуметтік тұрғыда осал топтарының мәселелерін өзектендіру қажет. Сондықтан да, біздің қор екінші рет «Ашық экономика» форумын өткізіп отыр», – деді Сорос-Қазақстан қоры басқарма төрайымы Аида Айдарқұлова. 

Ekonomist.kz жобасының жетекшісі Қасымхан Қаппаров: «Күрделі саяси транзит кезеңінде азаматтық институттардың рөлі және саясаттың экономикаға ықпалы ерекше айқындала түсуінде болып тұр. Қазақстан үшін мұндай институттар – жеке меншікке қолсұқпаушылық, тәуелсіз соттар және баспасөз бостандығы. Күшті, әрі толыққанды қоғамдық институттар құрылған жағдайда ғана Қазақстанға қажетті реформалар еліміздің барлық азаматтары үшін тиімді және пайдалы бола алады деген сенімдемін».

OEF-2019 ұйымдастырушылары – Сорос-Қазақстан қоры және Ekonomist.kz онлайн жобасы.

Қасымхан Қаппаров және Сергей Гуриевп жазған сұхбатты біздің YouTube каналында көре аласыз.

Ақпарат үшін:

«Ашық экономика» форумы

– бұл Қазақстандағы инклюзивті, тұрақты және ұзақмерзімді экономикалық дамудың жаңа бағыттарын талқылауға арналған интербелсенді алаң. Форум бағдарламасы мен рухы іс-шараның барлық қатысушыларының күшін инклюзивті, тұрақты және ұзақмерзімді дамуға жету жолдарын талқылауға бағыттайтын болады.

Бірінші «Ашық экономика» форумы Астана қаласында 2017 жылдың қарашасында өтті.

Сорос-Қазақстан қоры (СҚҚ) 

– үкіметтік емес ұйымдар, билік органдары және бизнес арасындағы серіктестікті дамыту арқылы толерантты, белсенді қоғамды және жауапты, айқын үкіметті насихаттауды қолдайтын үкіметтік емес қайырымдылық ұйымы. СҚҚ халықаралық «Ашық қоғам» қорлары желісінің бөлігі болып табылады. Толық ақпарат  www.soros.kz сайтында.

Ekonomist.kz

Қазақстандағы экономикалық тақырыптарды кәсіби тұрғыда талқылауға арналған ашық онлайн алаң. күрделі экономикалық құбылыстарды қарапайым тілмен жеткізіп отыратын болады. Жоба міндеті – қазақстандықтардың еліміздің экономикалық дамуындағы жаңалықтары мен мәселелерінен хабардар болып отыруына ықпал ететін кәсіби виртуалды сараптама желісін дамыту, жас сарапшылардың жетіле түсуіне мүмкіндік беру. Авторлар жоба нәтижесінде халық табысының өсімін және әлеуметтік әділдікті қамтамасыз ету жолында мемлекет қабылдайтын шешімдер сапасына әсер етеміз деп күтеді.

The post OEF-2019 форумының құрметті қонағы – Сергей Гуриев appeared first on Ekonomist Media.